शेतकऱ्यांसाठी एक महत्त्वाची मोहीम सुरू करण्यात आली आहे. या मोहिमेअंतर्गत, १ ऑगस्ट २०२५ ते ३१ ऑगस्ट २०२५ या कालावधीत शेतकऱ्यांना पीक कर्ज किंवा किसान क्रेडिट कार्ड (KCC) अतिशय पारदर्शक, सोप्या आणि जलद पद्धतीने उपलब्ध करून दिले जाणार आहे. या प्रक्रियेत शेतकऱ्यांना कोणत्याही प्रकारचे कागदपत्र देण्याची गरज नाही.
KCC-जनसमर्थ पोर्टल
या योजनेचे सर्व अर्ज आणि प्रक्रिया ‘जनसमर्थ’ पोर्टलद्वारे केली जाणार आहे. शेतकऱ्यांना घरबसल्या सोप्या पद्धतीने या योजनेचा लाभ घेता येईल.
कोणाला मिळणार लाभ?
ज्या शेतकऱ्यांना नवीन पीक कर्जाची गरज आहे किंवा ज्यांनी आपले जुने पीक कर्ज फेडले आहे आणि पुन्हा कर्ज घ्यायचे आहे, त्यांना या योजनेचा थेट फायदा होईल. तसेच पशुपालक शेतकऱ्यांना पशु किसान क्रेडिट कार्ड घेण्यासाठीही ही मोहीम महत्त्वाची आहे.
आवश्यक अट
या योजनेचा लाभ घेण्यासाठी शेतकऱ्यांकडे ‘एग्रीस स्टॅक’वर नोंदणीकृत फार्मर आयडी असणे आवश्यक आहे. यासोबतच आधारशी लिंक केलेला मोबाईल नंबर असणे गरजेचे आहे.
अर्ज प्रक्रिया
शेतकऱ्यांनी आपल्या बँकेत संपर्क साधून किसान क्रेडिट कार्डसाठी अर्ज करायचा आहे. यासाठी केवळ एक रुपया शुल्क आकारले जाईल. कोणत्याही अतिरिक्त फी किंवा कागदपत्रांची मागणी केली जाणार नाही.
या मोहिमेचे उद्दिष्ट
या उपक्रमाचा मुख्य उद्देश शेतकऱ्यांना वेळेवर आर्थिक मदत उपलब्ध करून देणे हा आहे. यासाठी केंद्र कृषी मंत्रालय, भारत सरकार आणि पीएमबी अलायन्स यांच्यात करार करण्यात आला आहे.
Disclaimer
ही माहिती केवळ शैक्षणिक आणि मार्गदर्शक उद्देशाने दिलेली आहे. प्रत्यक्ष लाभ घेण्यासाठी शेतकऱ्यांनी आपल्या जवळच्या बँकेशी संपर्क साधावा आणि अधिकृत पोर्टलवरील माहितीची खात्री करून घ्यावी.
तुम्हाला पडणारे प्रश्न (FAQ)
ही मोहीम कधीपर्यंत चालणार आहे?
ही मोहीम १ ऑगस्ट २०२५ पासून ३१ ऑगस्ट २०२५ पर्यंत राबवली जाणार आहे.
या योजनेचा लाभ कोणाला मिळू शकतो?
नवीन पीक कर्ज घेणारे, जुने कर्ज फेडलेले शेतकरी तसेच पशुपालक शेतकरी या योजनेचा लाभ घेऊ शकतात.
अर्ज करण्यासाठी कोणती कागदपत्रे लागतात?
या योजनेसाठी कोणत्याही कागदपत्रांची आवश्यकता नाही, फक्त एग्रीस स्टॅकवर फार्मर आयडी नोंदणी आणि आधारशी जोडलेला मोबाईल नंबर आवश्यक आहे.
अर्ज करताना किती शुल्क द्यावे लागते?
अर्ज करताना केवळ एक रुपया शुल्क आकारले जाईल.
अर्ज कोठे करायचा आहे?
शेतकऱ्यांनी आपल्या बँकेत संपर्क साधून किंवा ‘जनसमर्थ’ पोर्टलवर अर्ज करायचा आहे.
